ക്ലാസ്സുകഴിഞ്ഞു വീട്ടില് എത്തിയിട്ട് ഉറങ്ങാം എന്ന പ്രതീക്ഷയോടെ ആയിരുന്നു ഞാന് . പക്ഷേ വീട്ടില് കയറിയ പാടെ കണ്ടത് ഉറക്കം ഇല്ലാതെയാക്കുന്ന കാഴ്ചകള് ആയിരുന്നു . ഒരു പക്ഷെ അല്പമെങ്കിലും മനസാക്ഷി എവിടെയെങ്കിലും ഉള്ള ഒരാള്ക്കും ഉറങ്ങാനേ പറ്റില്ല. എന്തിനു പറയണം ഒരു പക്ഷെ മൃഗങ്ങള്ക്ക് പോലും ഉറക്കം ഇല്ലതയേക്കാം . നരഭോജികളായ നികൃഷ്ഠ ജീവികള് ഒരു പിഞ്ചു കുഞ്ഞിനോട് എന്തിനിതു ചെയ്തു? അതിനു മാത്രം എന്താണ് അവര്ക്ക് വെറും മൂന്നു വയസ്സ് പ്രായം മാത്രമുള്ള കുട്ടിയോട് തോന്നിയത്? അമ്മയുടെ ലാളനയും സ്നേഹവും കിട്ടി കൊതി തീര്ന്നില്ലാത്ത പിച്ച വെച്ച് നടക്കാന് തുടങ്ങിയിട്ടുള്ള ആ പിഞ്ചു കുഞ്ഞിനെ ആര്ത്തിയോടെ തിന്നു ചവച്ചു തുപ്പിയില്ലേ? ചാനലില് വാര്ത്ത കണ്ടപ്പോള് ഹൃദയത്തില് ബ്ലേഡ് കൊണ്ട് ആഴത്തില് ആഞ്ഞു വരയുന്ന വേദനയായിരുന്നു . ഒന്നുറക്കെ കരയാന് പോലും പറ്റാതെ കണ്ണുനീര് തുള്ളികള് പൊഴിച്ചുകൊണ്ട് നിസ്സഹായയായി ശില പോലെ നിശ്ചലമായി നില്ക്കാനേ കഴിഞ്ഞുള്ളൂ എനിക്ക് . ഇത്തരം സംഭവങ്ങള് കണ്ടും കേട്ടും മരവിച്ചു പോകുന്ന അവസ്ഥയാണ് മനസ്സിനും ശരീരത്തിനും. . കേരളം സംസ്കാര ശൂന്യമാകുന്ന കാഴ്ച , അതും വേദനാജനകമാണ് ഒപ്പം മനുഷ്യന് സഹജീവിയായ മറ്റൊരു മനുഷ്യനോട് ചെയ്യാന് പാടില്ലാത്ത പലതും , ഒരു പക്ഷെ മൃഗങ്ങള് പോലും മനുഷ്യനോട് ഇത്ര ക്രൂരത കാണി ക്കില്ല . 'സ്ത്രീ ' എന്ന മഹത്തായ വാക്കും സ്ത്രീയേയും വില്പന ചരക്കുകള് ആക്കി മാറ്റുന്ന ഈ ശവം തീനികള് കുലകുത്തി വാഴുന്ന ഇന്നത്തെ കേരള സമൂഹം എന്നാണ് വിവരം വെച്ച് തുടങ്ങുക? നിയമ പീഠം ഒന്നുകൂടെ ശക്തി ആര്ജ്ജിക്കേണ്ടി ഇരിക്കുന്നു . സ്ത്രീകള്ക്കെതിരെ നടക്കുന്ന അക്രമങ്ങളില് പങ്കാളികളാകുന്ന പ്രതികള്ക്ക് ലഭിക്കേണ്ട ശിക്ഷ കഴു മരം ആക്കി മാറേണ്ടി ഇരിക്കുന്നു. ഇത് എപ്പഴേ നടപ്പില് ആക്കേണ്ടാതാ യിരുന്നു . പക്ഷേ ഒരു പരിധി വരെ ഇത്തരം ശുധ്ര ജീവികള് നിയമത്തിന്റെ കണ്ണുവെട്ടിച്ചും രാഷ്ട്രീയ കാരുടെ കീശകള് വീര്പ്പിച്ചും തന്ത്രപൂര്വ്വം രക്ഷപ്പെടുന്നു എന്നതാണ് വസ്തുത . ഒരു വശത്ത് ഭരണ കര്ത്താക്കള് തന്നെ സ്ത്രീകള്ക്ക് എതിരെ തിരിയുകയും അവര്ക്ക് നീതി നിഷേധം ഉറപ്പാക്കുകയും ചെയ്യുന്നു. അതും നിയമത്തെ കൂട്ടുപിടിച്ച് കൊണ്ട് . ഇത്തരം ആളുകളെ പൊതു മധ്യത്തില് തുറന്നു കാട്ടാനും അവരെ എറിഞ്ഞു കൊല്ലാനും ഉള്ള ആര്ജ്ജവം ഞാന് അടങ്ങുന്ന ഇന്നത്തെ തലമുറ മുന്നോട്ട് വെക്കേണ്ടത് തന്നെ ആണ് . സ്വന്തം നാട്ടില് അമ്മയും സഹോദരികളും പിഞ്ചു മക്കളും പൊതു മധ്യത്തില് മാനഭംഗ പ്പെടുമ്പോള് ഒരു വശത്ത് കേരളം വികസനത്തിലേക്ക് കുതിക്കാന് ഉള്ള പാച്ചിലില് ആണ് . സ്വന്തം നാട്ടില് ഇങ്ങനെ ഉള്ള അവസ്ഥകള് സംജാതമാകുംപോള് എങ്ങിനെ ആണ് വികസനത്തിന്റെ ചിറകുകള് കേരളത്തിന് മുന്നില് പറന്നടിച്ചു ഉയരുന്നത്? കേരളത്തിലെ സ്ത്രീകളെ സംരക്ഷിക്കാന് ആ നാടിനും ഭരണ കര്ത്താക്കള്ക്കും സാധികുന്നില്ല എങ്കില് എങ്ങിനെ ആണ് അന്യ ദേശ സഞ്ചാരികളുടെ സംരക്ഷണം ഉറപ്പു വരുത്താന് കഴിയുന്നത്? അല്ലെങ്കില് പെറ്റ അമ്മയെയും കൂടപ്പിറ പ്പുകളെയും സംരക്ഷിക്കാതെ എന്തിനു മറു നാടന് സഞ്ചാരികളെ സംരക്ഷിക്കണം? ഒരു നാടിന്റെ ഐശ്വര്യവും സമ്പത്തും ആ നാടിന്റെ സ്ത്രീകള് ആണെന്നുള്ള ബോധം സമൂഹത്തിലെ പുരുഷ വര്ഗ്ഗവും ഭരണകര്ത്താക്കളും ഇനിയെങ്കിലും മനസിലാക്കിയാല് നന്ന് . മറു നാടന് സഞ്ചാരികള്ക്ക് കേരളം എന്ന നാടും മനുഷ്യരും ഒരു പേടി സ്വപ്നമായി മാറുകയും വൈകാതെ വികസനത്തിന്റെ ചിറകുകള് അറ്റു വീഴുകയും ചെയ്യുന്ന കാലം വിദൂരമല്ല . ഇതൊന്നും ചിന്തിക്കാതെ സ്ത്രീ സമൂഹത്തെ ഒന്നൊന്നായി ആര്ത്തി മൂത്ത് കടിച്ചു കീറുമ്പോള് ഇതിന്റെ ഭവിഷ്യത്ത് എന്താണെന്നും കൂടി ഓര്ക്കേണ്ടി ഇരിക്കുന്നു. കേരളം ഒരു ശ്മശാന ഭൂമി ആയി മാറും ഈ സ്ഥിതി തുടര്ന്ന് പോകുകയാണെങ്കില് . ഇത്തരം നര ഭോജികളായ പുരുഷ വര്ഗത്തിന് എതിരെ ശക്തമായി ആഞ്ഞടിക്കേണ്ട സമയം എന്നേ അതിക്രമിച്ചിരിക്കുന്നു . പുരുഷ വര്ഗത്തിന് തന്നെ ശാപമാകുന്ന അത്തരക്കാരെ കൊന്നു കൊലവിളിക്കാനും നിയമത്തിന്റെ മുന്നില് കൊണ്ട് വരാനും കഴു മരത്തില് ഏ റ്റു വാനും മനുഷ്യ വിഭാഗത്തില് പെട്ട പുരുഷ വര്ഗങ്ങള് ഞങ്ങള്ക്കൊപ്പം ഉണ്ടാകണം . ഇനിയും കേരളം സ്ത്രീയുടെ ശാപം ഏ റ്റു വാങ്ങാതിരിക്കട്ടെ !! ഒപ്പം ഒരു സ്ത്രീയുടേയും പിഞ്ചു കുഞ്ഞുങ്ങളുടെയും പെണ്കുട്ടികളുടെയും ഒരു തുള്ളി കണ്ണുനീര് പോലും ആ മണ്ണില് പൊഴിയാതിരിക്കട്ടെ ..... എന്ന പ്രാര്ഥനയോടെ ......... !!!
5 comments:
മതാപിതാക്കളുടെ ഉള്ളില് തീയാണ്
ചിന്തയില് ആധിയാണ്
ഭ്രാന്ത് പിടിച്ച ചെന്നായിക്കളുടെ കാഴ്ചകളില് നിന്നും മക്കളെ മറക്കണേയെന്ന പ്രാര്ത്ഥന !
നിയമം കണ്ണുതുറക്കട്ടെയെന്ന നിലവിളി !
സത്യമാണ് !! നിയമത്തിന്റെ കണ്ണ് മൂടിക്കെട്ടിയിട്ടല്ലേ ഉള്ളത് തന്നെ.! ആ ശില്പത്തില് നിന്നും ആ കറുത്ത മൂട് പടം ആദ്യമേ മാറ്റെണ്ടതയിരുന്നു !
വിഷാദത്തിന്റെ/ അന്യായത്തിന്റെ / ചെറ്റത്തരത്തിന്റെ ചൂട് കാലം .... നീതി ദേവത എന്നാ സങ്കല്പ്പത്തിനു തുടരെ കളങ്കമേല്ക്കുന്നു... തഴെ കിടയിലെ പ്രജകള്ക്കു എന്ത് / എന്ന് നീതി ലഭിക്കുമെന്ന് കാത്തിരുന്നാലും കാണാന് കഴിയാത്ത സ്ഥിതിയാണ് ...
വിഷാദത്തിന്റെ/ അന്യായത്തിന്റെ / ചെറ്റത്തരത്തിന്റെ ചൂട് കാലം .... നീതി ദേവത എന്നാ സങ്കല്പ്പത്തിനു തുടരെ കളങ്കമേല്ക്കുന്നു... തഴെ കിടയിലെ പ്രജകള്ക്കു എന്ത് / എന്ന് നീതി ലഭിക്കുമെന്ന് കാത്തിരുന്നാലും കാണാന് കഴിയാത്ത സ്ഥിതിയാണ് ...
ഒരു സ്ത്രീയുടേയും പിഞ്ചു കുഞ്ഞുങ്ങളുടെയും പെണ്കുട്ടികളുടെയും ഒരു തുള്ളി കണ്ണുനീര് പോലും ആ മണ്ണില് പൊഴിയാതിരിക്കട്ടെ ....
Post a Comment